हाम्रा सेवाहरू

दर्ता भएका घरबाट मात्र फोहोर सङ्कलन गरिन्छ।

तोकिएको तालिकाअनुसार बिहान ५ वा ६ बजेदेखि सङ्कलन सुरु हुन्छ। मूल सडकमा बिहान ७ बजेसम्म र अन्य स्थानमा दिउँसो २ बजेसम्म सम्पन्न गर्ने लक्ष्य रहन्छ।

मूल सडक दैनिक सफा गरिन्छ भने अन्य सडकको सफाइ तथा धुलोसहित फोहोर सङ्कलन हप्तामा एक पटक बिहान ७ बजेभित्र गरिन्छ।

सङ्कलित फोहोर सङ्कलन केन्द्र वा ट्रान्सफर स्टेसनमा लगी सकेसम्म पुनःप्रयोगयोग्य वस्तु छुट्याइन्छ।

स्रोतमै (सेवाग्राहीको घरमै) फोहोर छुट्याउने कुरामा प्राथमिकता दिइन्छ।

कुहिने फोहोर हप्तामा दुई पटक र नकुहिने फोहोर हप्तामा एक पटक सङ्कलन गरिन्छ।

विभिन्न टोलमा महिनामा एक पटक जनचेतनामूलक कार्यक्रम सञ्चालन गरिन्छ।

पुनःप्रयोगयोग्य फोहोर बिक्री वितरण गरिन्छ, पुनःप्रयोग हुन नसक्ने फोहोर मात्र ल्यान्डफिल साइटमा पठाइन्छ।

कुहिने फोहोरलाई विद्यमान वा नयाँ निर्माण गरिएका कम्पोस्ट खाडलमा कम्पोस्ट मल बनाइन्छ। फोहोर न्यूनीकरणलाई उच्च प्राथमिकता दिइन्छ।

कम्पोस्ट मल किसानलाई सुलभ मूल्यमा उपलब्ध गराइन्छ र सडक किनारका बिरुवामा पनि प्रयोग गरिन्छ।

“एक घर दुई रूख” अवधारणा कार्यान्वयनका लागि बिरुवा उपलब्ध गराइन्छ, साथै खाली जग्गामा बगैंचा बनाउन बासिन्दालाई सघाइन्छ।

स्थानीय बासिन्दाको सहयोगमा सडक किनारमा वृक्षरोपण तथा काँटछाँटलाई गति दिइन्छ।

सानो फोहोर फाल्न सडक किनारमा डस्टबिनको व्यवस्था गरिएको छ, जुन भरिएपछि हाम्रा सङ्कलकले उठाउँछन्।